Siglir tar il cuntegn

Header

cuntegn

Engiadina/Bregaglia Radunanzas communalas scrodan pervi da corona

Las autoritads communalas da pliras vischnancas en Engiadina e la Bregaglia na pon pervi da la pandemia da corona betg envidar a las radunanzas communalas planisadas. Enstagl da las radunanzas communalas datti votaziuns a l'urna. Quellas èn planisadas:

  • A Puntraschigna ils 29 da november
  • A Zuoz tranter ils 17 e 20 da december
  • A San Murezzan ils 20 da december
  • A Samedan ils 20 da december
  • En Val Müstair ils 20 da december
  • A Madulain il december (termin concret anc betg fixà)
  • A Bregaglia ils 20 da december

Autras vischnancas da l'Engiadina han fin uss laschà ils termins per las radunanzas communalas. Quellas han lieu:

  • A Silvaplauna ils 26 da november
  • A Schlarigna ils 14 da december
  • A Bever ils 4 da december
  • A La Punt Chamues-ch ils 27 da november
  • A S-chanf ils 16 da december
  • A Zernez ils 26 da november
  • A Scuol ils 14 da december
  • A Valsot il december (termin concret anc betg fixà)

Anc betg decis en tge furma che la consultaziun dals votants e da las votantas ha lieu ha la vischnanca da Segl. Ella ha entant spustà la data per la radunanza communala dals 27 da november sin ils 18 da december.

audio
Per tadlar: Las novitads da las 12:00
ord RTR Audio dals 16.11.2020.
laschar ir. Durada: 5 minutas 33 Secundas.

RTR novitads 12:00

Artitgels legids il pli savens