Siglir tar il cuntegn

Header

Fastizs en in grip.
Legenda: Ils fastizs ovals èn bagnads cun aua per als far visibels. MAD
cuntegn

Engiadina Bassa Scolars han chattà novs fastizs da dinosaurs

Scolars da la scola Rudolf Steiner a Scuol han dacurt visità il lieu, nua che Mario Riatsch aveva chattà gia avant in onn fastizs da dinosaurs. Tras il perspectiv han ils scolars pli tard – cun chaminar vers la Val d'Assa – observà sin distanza en direcziun sid auters fastizs vi d'ina gronda platta al Piz S-chalambert. Quai ha communitgà il manader da la Scola Rudolf Steiner a Scuol, Gian Michel Denoth.

In pèr dis pli tard è lura ina gruppa enturn Tumasch Planta sa messa a la tschertga dals fastizs probablamain da dinosaurs ed als ha pudì fotografar. I sa tracta da plirs fastizs ovals en ina distanza regulara dad 80 centimeters. Ina conferma scientifica – schebain i sa tracta da fastizs da dinosaurs – na datti anc betg.

Gia avant in onn aveva il chatschader Mario Riatsch da Sent chattà fastizs da dinosaurs al Piz S-chalambert. Tenor l'universitad da Basilea èn lezs fastizs passa 210 milliuns onns vegls.

Video
Fastizs da Dinosaurs sin il Piz Ela
Or da Minisguard dals 23.08.2009.
abspielen

RR novitads 08:00