Enconuschais anc Vico Torriani?

El era in multitalent e showmaster, star da film e da televisiun e ha vendì 25 milliuns portatuns. Quai èn probablamain uschè blers portatuns sco nagin auter en Svizra – Vico Torriani da San Murezzan.

In maletg digital squitschà ora dal chantadur ed entertainer grischun Vico Toriana purtà d'in schurnalist dad RTR. Davantvart ins vesa in microfon dad RTR. Davosvart vesan ins passants.

Legenda da maletgs: Tgi è quai um? Enconuschan passantas e passants anc in dals pli gronds entertainers da la Svizra? RTR, M. Decurtins

Tgi enconuscha anc Vico Torriani, ch’è bain naschì a Genevra però creschì si a San Murezzan. Nus avain fatg la prova sin via mussond ina fotografia. Tgi ha manegià ch’el saja in politicher, tgi ha gì ina autr’idea. Auters han però bain anc regurdientschas vi da l’entertainer Vico Torriani. El è mort avant 18 onns, ils 25 da favrer 1998, en la vegliadetgna da 78 onns ad Agno en il chantun Tessin.

Musical surda Vico

Ils 24 da favrer ha il Musical surda Vico Torriani «Hotel Victoria» premiera en l’hotel Reine Victoria a San Murezzan. Quel Musical da Felix Benesch e Ludger Nowak cun acturs / chantadurs sco Christian Jott Jenny e Samuel Zünd en las rollas principalas lascha reviver la show e la vita da Vico Torriani.

Livestream da e tar RTR

Vico Torriani ha ina giada ditg: «Artists vivan da l’applaus – la gascha è mo il paun». Bler applaus po quai dar dal public live a la premiera dals 24 da favrer a San Murezzan.

Laschar ir video «Per far gust sin questa saira...»

Per far gust sin questa saira...

0:37 min, Trailers dals 22.2.2016

Livestream tar RTR

Placat da reclama dal musical Hotel Victoria, il musical cun hits da Vico Torriani mess si da nov e preschentà da RTR

MAD/RTR

Da la premiera dal musical «Hotel Victoria» dals 24 da favrer a San Murezzan (20:00) fa Radiotelevisiun Svizra Rumantscha in livestream. Quest pudais guardar cumadaivel a chasa:

  • via RTR+ (buttun cotschen da la televisiun)
  • ubain via rtr.ch.