Siglir tar il cuntegn

Header

Video
Blera naiv - grond interess per ils trenaments dad ir cun l'auto sin la naiv
Or da Actualitad video dals 12.02.2018.
laschar ir
cuntegn

Engiadina En tschertga dals cunfins sin la naiv

Blera naiv, grond interess per ils trenaments dad ir cun l'auto sin la naiv a Zernez. L’organisaziun «Winterfahrtraining» organisescha sur tut enviern plirs curs per privats e firmas.

Quant spert vegn'ins da franar sin naiv? Co reagir sin il glatsch? E co guntgir in crap amez via? Questas e bleras autras respostas datti cun absolver in curs dad ir cun l'auto sin la naiv a Zernez.

L’interess è grond davart da persunas privatas ma era da firmas che tramettan lur collavuraturs al curs. Ma guardà sin tut la Svizra sa participeschan sulettamain 2% ad in sumegliant curs. Causa la blera naiv sin via è creschì l’interess marcantamain ils ultims dis. Tenor l’instructur e maina gestiun da «DrivingGraubünden», Joe Manni, sa participeschan oravant tut persunas da la Bassa. En il Grischun èn ins plitost disà cun vias da naiv e glatsch u els crain dad esser disads.

Dapi 12 onns a Zernez

Ensemen cun il pur da Zernez, Filipp Grass, che ha mess a disposiziun la parcella e che prepara las pistas da naiv, organisescha la cuminanza d’interess «Winterfahrtraining» mintg’onn radund 15 enfin 20 curs. Latiers piglia era il Touring Club Svizra (TCS) a fit la pista da trenament per radund 30 dis durant l’enviern.

RR actualitad 12:00