Siglir tar il cuntegn
Inhalt

Engiadina En memoria dals disgraziads en muntogna

Puntraschigna ha erigi in monument per las persunas ch'èn sa disgraziadas en las muntognas enturn la vischnanca.

Plitost ina stela ch'in um da crap, dentant en in bel lieu amez las muntognas.
Legenda: En memoria dals disgraziads - l'um da crap stat sin il pastg davant la baselgia da Puntraschigna. mad

Confamigliars da persunas mortas en muntogna hajan savens il giavisch da plazzar en memoria da lur trapassads ina plachetta u ina crusch en la grippa. Quai na veglia Puntraschigna dentant betg, scriva la vischnanca. Perquai era la suprastanza communala sa decidida il 2015 da far in monument tar la baselgia.

Uss stat in um da crap da radund dus meters avant la baselgia da Sta. Maria. Vi da quel pon ils confamigliars plazzar inscripziuns. Il piz da l’um da crap n’è betg giz per ch’ins possia metter si là pitschens craps da memoria.

L’um da crap è vegnì creà e realisà dals sculpturs Beat Zobrist e Daniel Cotti a Zernez. Auter ch’auters umens da crap è l’um da crap da Puntraschigna fabritgà fix per simbolisar la duraivladad.

RR novitads 21:00