Part dal project fan 3 chasas. 2 novas e la veglia chasa da scola e chasa communala che vegn stgarpada giu e bajegià nov. La dunna ch’aveva ramassà suttascripziuns per la dumonda da reponderaziun na vuleva betg ch’ina da las pli veglias chasas en vischnanca vegnia stgarpada giu.
Vischnanca dat en dretg da fabrica l’entira parcella
Auter che planisà l’entschatta na bajegia la vischnanca betg ina da las 3 chasas, ma dat tut la parcella en dretg da fabrica e cumpra pli tard maximalmain 7 abitaziuns da la gruppa dals investiders indigens privats. Quai fetschia pli simpel l’entira chaussa cun quai che tut las 3 chasas èn dependentas ina da l’autra cun tranter auter ina garascha sutterrana communabla. La radunanza communala ha ditg gea a quest proceder. La vischnanca na dastga betg investir dapi che 4 milliuns francs per cumprar las abitaziuns.
Cumprar aczias da Corvatsch SA
Plinavant ha la radunanza communala decis da segnar aczias da la Corvatsch SA per 2 milliuns francs. Per finanziar la cumpra dad aczias ha la suprastanza communala proponì in augment dal pe da taglia da 4% durant 10 onns. Quai han las votantas ed ils votants dentant refusà cun ina stgarsa maioritad.
RR novitads 7:00