Siglir tar il cuntegn

Engiadina Emprima siglientada tunnel Val Pischöt

Cun l’emprima siglientada dal nov tunnel Val Pischöt han las lavurs da cumplettaziun per segirar meglier la via da Samignun uffizialmain entschet.

Legende: Video Siglientada per il tunnel en Val Pischöt abspielen. Laufzeit 2:05 Minuten.
Or da Actualitad video dals 13.04.2016.

Igl è enconuschent che la substanza da la via da Samignun è per gronda part anc quella da l’entschatta dal 20avel tschientaner. Dapi lura han ins mo successivamain reparà e renovà questa part da la via chantunala che collia la vallada da Samignun cun l’Engiadina Bassa.

Betg pli à jour

Cunzunt il sectur da la galaria actuala n’ademplescha betg pli las pretaisas d’ozendi, quai areguard la ladezza e la geometria da la via. Ultra da quai è questa part exposta a privels da la natira e sto mintgamai vegnir serrada per plirs dis durant l’enviern pervia da privel da lavinas.

Tunnel da 325 meters lunghezza

Cun l'act tradiziunal da l'emprima siglientada per il tunnel Val Pischöt da circa 325 meters lunghezza cumenzan oz las lavurs da construcziun da la part centrala da la renovaziun da la via da Samignun.

Legende: Video L'emprima siglientada dal nov tunnel Val Pischöt abspielen. Laufzeit 0:51 Minuten.
Dals 13.04.2016.

Igl è previs da metter en funcziun il tunnel sin il pli baud il 2017. Quest tunnel permetta da meglierar marcantamain la segirezza dal traffic e la segirezza d'enviern da l'unica colliaziun cun Samignun che sa chatta sin territori svizzer.

Tenor il preventiv importan ils custs per l’entir project d'engrondiment circa 16 milliuns francs.

RR novitads 11:00