Siglir tar il cuntegn
Inhalt

Engiadina Emprim pass per coordinar meglier scolas Engiadina Bassa

Ina gruppa da lavur da la regiun Engiadina Bassa ha elavurà in emprim sboz per coordinar ils lieus da scolaziun en l'Engiadina Bassa. Il manader da la gruppa Philipp Gunzinger ha preschentà l'emprim sboz a la conferenza da presidents da La Regiun Engiadina Bassa Val Müstair.

Chasa da scola da Sent
Legenda: Chasa da scola da Sent RTR

Il sboz prevesa d'elavur fin la fin dal 2016 la basa per decider ed agir. Per l'emprima mitta dal 2017 èsi previs la fasa da consultaziun per las vischancas. Quai tenor ina communicaziun da la Regiun Engiadina Bassa Val Müstair. Il studi duai er mussar il stadi actual da l'organisaziun da las scolas, la magistraglia e da l’infrastructura. Decider co vivant cun las scolas è alura chaussa da mintga singula vischnanca.

Sustegn per eveniments da sport resta

Plinavant ha la conferenza da la regiun decidì che dumondas da sustegn per eveniments da sport en la regiun duajan vegnir inoltrads a las vischnancas. En cas specials vegn la dumonda tractada da la regiun. Decider sch'ina contribuziun e giustifitgada e chaussa da la conferenza dals presidents da la Regiun Engiadina Bassa e Val Müstair.

En pli ha la conferenza approvà il mandat da prestaziun per la realisaziun dal management regiunal per ils onns 2016 enfin 2019.

RR novitads 09:00