Siglir tar il cuntegn

Engiadina Emprim gea per credit da planisaziun chasa da tgira Du Lac

La radunanza communala da Segl ha approvà la dumonda da credit da 160'000 francs per la projectaziun d’ina nova chasa da tgira decentrala a San Murezzan.

Segl la saira
Legenda: Ils Segliots han vuschà sco emprima vischnanca per in credit da planisaziun per ina chasa da tgira a San Murezzan. sils.ch

Ils votants han approvà la tractanda cun 40 encunter 3 vuschs. Uss han anc da decider las vischnancas da Silvaplauna, San Murezzan e Puntraschigna davart in credit per projectar ina chasa da tgira sin l’areal Du Lac a San Murezzan.

Duas variantas pussaivlas

Empè d’ina chasa da tgira centrala a Samedan vulan las quatter vischnancas da la part sura da l’Engiadin’Ota realisar ina varianta decentrala a San Murezzan. Las autras set vischnancas tranter Schlarigna e S-chanf èn vid l'elavuraziun d’ina chasa da tgira al lieu existent Promulins a Samedan.

Rendaquint positiv per Segl

La radunanza communala da Segl ha ultra da quai er approvà il rendaquint 2015. Quel serra cun in surpli da 136'000 francs.

RR novitads 10:00