Siglir tar il cuntegn

Engiadina Emprim di da scola suenter salvament dal HIF

76 scolaras e scolars han cumenzà il nov onn scolastic a l’Institut Otalpin a Ftan. Quai suenter in temp fitg turbulent durant quel aveva il cussegl administrativ communitgà che la scola ha da serrar sias portas per dal bun.

Grazia ad in'acziun da solidaritad naschida or dal ravugl da la populaziun en Engiadina Bassa han ins pudì persvader entaifer be paucs dis politichers ed il cussegl administrativ, da tuttina cuntinuar cun la gestiun da l’Institut Otalpin Ftan.

Il HIF ha in avegnir – il HIF essan nus

Placat cun si ils nums dals uffants.
Legenda: Ils uffants crain vi da l’avegnir da l’IOF. RTR/A. Caprez

L’emprim di da scola 2015 ha perquai ina simbolica fitg speziala per scolars, magisters ed emploiads. Els han cumenzà l’onn scolastic cun in'acziun da solidaritad, durant quella han els memorisà lur improntas dal det sin in purtret da la scola cun il titel: Il HIF ha in avegnir – il HIF essan nus.

Il cussegl administrativ actual sa retira en globo per la radunanza generala da l’Institut Otalpin Ftan ils 19 da settember. Durant questa fasa transitorica ha ina gruppa strategica enturn Jon Peer, Beatrice Tschanz e Gerhard Pfister en maun l’andament da la scola.