Siglir tar il cuntegn

Header

video
Co vinavant suenter na da Puntraschigna
Or da Actualitad dals 31.05.2016.
laschar ir. Durada: 1 minuta 23 Secundas.
cuntegn

Engiadina Emoziuns èn stadas decisivas per na da Puntraschigna

La radunanza communala da Puntraschigna ha sbittà cleramain ina dumonda da credit da planisaziun per ina chasa da tgira sin il areal Du Lac a San Murezzan.

audio
Mezdi: Puntraschigna: Emoziuns decisivas per na
ord Actualitad dals 31.05.2016.
laschar ir. Durada: 2 minutas 59 Secundas.

Per il president communal da Puntraschigna, Martin Aebli saja la decisiun da la radunanza communala surtut stada ina dal cor. Sper la colliaziun emoziunala dapi decennis cun Samedan, haja er la sceptica envers San Murezzan e ses ultims projects giugà ina rolla impurtanta tar la votaziun.

audio
Mezdi: Dischilusiun suenter na da Puntraschigna
ord Actualitad dals 31.05.2016.
laschar ir. Durada: 2 minutas 59 Secundas.

Spetgar tge ch’ils auters fan

Per il mument hajan ins da spetgar ils resultats da votaziun da las autras duas vischnancas davart in credit da planisaziun per ina chasa da tgira per Segl, Silvaplauna, San Murezzan e Puntraschigna.

Credit da planisaziun da 2,3 milliuns francs

San Murezzan decida ils 5 da zercladur a l’urna, Silvaplauna vuscha ils 22 da zercladur en chaussa. Sco che la presidenta communala, Claudia Troncana ha ditg ad RTR, ponderesch ins da suttametter a la radunanza communala ina dumonda da credit cun in import variabel. Cun il na da Puntraschigna mancan 450'000 francs vid il credit da planisaziun per la chasa da tgira a San Murezzan.

Project Du Lac betg anc giu da maisa

Tenor il president communal da San Murezzan, Sigi Asprion, na saja il project Du Lac a San Murezzan anc betg mort. Pussaivel saja er ina cuntinuaziun dal project be cun trais vischnancas.

Proseguir vinavant duas vias u betg

audio
Mezdi: Puntraschigna: Tge munta na
ord Actualitad dals 31.05.2016.
laschar ir. Durada: 2 minutas 20 Secundas.

Da sclerir saja er proximamain sch’ins veglia sviluppar vinavant duas strategias per ina chasa da tgira en Engiadin’Ota. Uschia sco ch’ils presidents communals da las 11 vischnancas avevan decis, u sch’ins sa concentreschia la fin finala be sin ina varianta Promulins Samedan.

Chasa da tgira en l'Engiadin'Ota - ina lunga istorgia

RR novitads 12:00

Artitgels legids il pli savens