Siglir tar il cuntegn

Header

cuntegn

Engiadina Edy – ussa dependi dal tribunal

L'uniun Save Edy vul posiziunar il simbol dal Campiunadi mundial da skis a San Murezzan en il territori da skis. Raps avess'ins ussa avunda. Ma tut dependa anc da la decisiun dal tribunal administrativ dal Grischun.

Edy è stà il star dals Campiunadis mundials da skis l'enviern passà a San Murezzan. La figura da lain gigantesca, furmada tenor il skiunz indigen e star d'antruras Edy Reinalter, ha fatg furora. Suenter il campiunadi da skis han ins dentant demontà Edy. Dapi lura emprova l'uniun Save Edy da pudair reconstruir Edy en il territori da skis a Salastrains sur San Murezzan.

Raps avess'ins ussa pli u main avunda. L'uniun ha ramassà radund 100'000 francs tenor il president da Save Edy Daniel Schaltegger. Ma ins sto anc spetgar sin la decisiun dal tribunal administrativ chantunal. Là avevan fatg recurs organisaziuns per la protecziun d'ambient encunter la permissiun da construcziun dal chantun. Per l'uniun Save Edy èsi dentant cler: sche Edy na po betg vegnir reconstruì durant quest onn, lura è quai la fin definitiva dad Edy.

RR novitads 06:00

Artitgels legids il pli savens