Siglir tar il cuntegn

Header

video
Dus onns bovas s-charl
Or da RTR dals 30.07.2019.
laschar ir. Durada: 1 minuta 52 Secundas.
cuntegn

Dus onns bovas a S-charl Sistem da pilot cunter bovas

Avant precis dus onns hai da grondas devastaziuns tras bovas en la Val S-charl. Lura avevan 15 persunas gì gronda fortuna.

Cun in sistem d'alarm nov en collavuraziun cun Meteo Svizra vul la vischnanca da Scuol prevegnir a catastrofas. Il sistem è anc en fasa da pilot, dentant ils responsabels han gia fatg bunas experientschas.

Bovas il 2014 e 2017

Avrir la box Serrar la box

L'avust 2014 ed il fanadur 2017 han pliras bovas zuglià plirs kilometers via en la Val S-charl. Temporals locals han mess en moviment massas da gerra ed entiras gravas. 15 persunas cun lur autos eran bloccadas tranter las bovas. Ellas e 50 ulteriuras persunas en S-charl han stuì vegnir evacuadas cun l’helicopter. In miracul che naginas persunas èn mortas.

Privel resta

Dus onns pli tard n'è sa midà nagut vi da la situaziun da privel. Talas bovas sco avant dus onns èn mintga di pussiblas. Segund la vischnanca na saja betg pussibel da franar talas massas gerra cun rempars u galarias.

La strategia da la vischnanca è da serrar la via en cas da privel per evitar donns vi da persunas u mortoris.

Sistem d'alarm nov

Per prevair a temp util bovas collavura Scuol cun Meteo Svizra per sviluppar in sistem d’alarm nov. Quest sistem è en fasa da test. Meteo Svizra furnescha a las instanzas communalas ina prognosa fitg locala cun in alarm per SMS, sche la plievgia surpassa ina tscherta limita entaifer ina ubain trais uras. Uschia han las instanzas communalas la pussaivladad da reagir e da serrar la via da S-charl.

sil punct 17:40

Artitgels legids il pli savens