Siglir tar il cuntegn
Inhalt

Engiadina Duri Campell banduna il Cussegl grond

Il nov elegì cusseglier naziunal Duri Campell terminescha sia lavur sco deputà en il Cussegl grond. Quai ha Duri Campell ditg Radiotelevisiun Svizra Rumantscha a l’ur da la sessiun d’october, che ha cumenzà il glindesdi.

Duri Campell legia gasetta en il Cussegl grond.
Legenda: Duri Campell legia gasetta en il Cussegl grond. RTR, M. Decurtins

La lavur saja memia gronda dad esser en il Cussegl grond per l’Engiadin’Ota ed il medem mument cusseglier naziunal giu Berna, ha Campell ditg ad RTR.

Duri Campell sesa dapi il 2006 en il Cussegl grond, l’onn passà ha il deputà da la Partida burgais-democratica presidià il Cussegl grond. La fin november vegn el a prender plaz per l’emprima giada en il Cussegl naziunal a Berna.

RR Novitads 06:00