La Fundaziun Nairs è in lieu da lavur ed inscunter. Stipendiantas e stipendiants, artists, musicists, cumponists han qua la pussaivladad da daventar creativs e da sviluppar enavant lur ideas artisticas.
Ensemen cun l'engrondiment dal object che sa chatta a l'ur da l'En avant Scuol e daventà er il pensum da lavur dubel pli grond. Sin iniziativa dal directur Christof Rösch, ha il cussegl da fundaziun decis unanim d’engaschar anc ina co-directura.
Sarah Fehr – co-directura
Sarah Fehr daventa la nova managera. Ella ha studegià communicaziun e schurnalissem e surprenda la part commerziala dal center contemporan d'art Nairs. Oravant tut è ella responsabla per la communicaziun, per il fundraising e la part artists-in-resident.
Nairs vul daventar pli internaziunal
In engrondiment da la purschida ha per consequenza ch'era il martgà stoppia vegnir engrondì. Christof Rösch e ses team vulan perquai chattar collavuraziuns sur il cunfin. Betg mo il martgà svizzer dess vegnir elavurà, en avegnir vulan els era maschadar sin il livel internaziunal per segirar era in avegnir ina situaziun da finanzas stabila.
RR actualitad 11:00