Siglir tar il cuntegn
cuntegn

Engiadina DMO s’occupa vinavant cun ferm franc svizzer

La DMO Scuol Samignun Val Müstair ha tratg bilantscha da l’onn passà ed ha dà in sguard en l’avegnir.

Logo Engiadina Scuol Samignun.
Legenda: Logo Engiadina Scuol Samignun. mad

En il center da l’onn da gestiun 2014 è stà la prolungaziun dals contracts cun Samignun Scuol e la Val Müstair.

La bilantscha da las pernottaziuns è stada cuntentaivla. Entant ch’autras regiuns han pers, ha la DMO Scuol Samignun Val Müstair pudì tegnair las cifras ils ultims 4 onns.

Pli mal guardi ora en l’avegnir. La DMO ha da cumbatter encunter il ferm franc svizzer. Pliras mesiras en vegnidas tratgas ussa a curta vista. Uschia ha Samignun mess in curs fix da 1.10 francs. Era vegn fatg in spot en la televisiun, lura è vegnida fatga ina nova broschura ed a lunga vista vegn augmentada la preschientscha cun diversas acziuns da marketing.