La via d’access per peduns e schlitras da chavals trapassava fin uss durant l’enviern tras quella parcella. Per utilisar quel passagi aveva la vischnanca da Bever gì da pajar als possessurs dal terren durant onns in’indemnisaziun da radund 10’000 francs.
Uss n’è la vischnanca da Bever dentant betg pli pronta da sa laschar metter sut squitsch. La possessura ha entant bloccà cumplettamain la pussaivladad da traversar la parcella ed ha fabritgà in mir che impedescha perfin l’access per peduns.
Nagina soluziun en vista
Sco che la presidenta communala da Bever, Ladina Meyer, ha ditg ad RTR, na saja l’agir dils proprietaris da la parcella betg dil tut legal. Tuttina sper’ins uss sin ina buna schliaziun. Dentant na saja quai betg propi probabel ch’ins chattass gia ina soluziun per questa stagiun d’enviern.
Il cas giuridic è anc pendent, perquai na vulan ils possessurs betg pigliar posiziun en chaussa.