Il possessur da l'edifizi ha cumenzà da demontar e strair or parts da la lounge e dal restaurant. La dumonda centrala è sch'el ha pudì far quai u betg. Envers RTR n’ha el betg vulì prender posiziun en chaussa.
Decisiun da dretgira è avant maun
Avant in’emna è numnadamain vegnida enconuschenta la sentenzia da la Dretgira chantunala pertutgond ina dispita da locaziun. Quella dat raschun al possessur, ch’il fittadin stuess dar liber las localitads.
Dapi 6 onns adina puspè avant dretgira
Il fittadin che maina il Diamond ed il possessur dal bajetg èn dapi 6 onns en dispita da locaziun. Il possessur na vul betg pli avair il club en ses bajetg, hai num da vart dal advocat Diego Schwarzenbach ch’observa dapi onns il cas. Enfin uss n’ha il possessur dentant mai survegnì raschun fin en ultima instanza.
Anc betg clar sch’i dat in nov cas penal
Sco l'advocat da la discoteca Diamond Markus Wyttenbach ha ditg, ston els uss sclerir sch’els fan ina denunzia penala en connex cun ils donns fatgs en la discoteca.
