Siglir tar il cuntegn
Inhalt

Engiadina Diavolezza – il glatscher artifizial ha survivì la stad

La primavaira è il glatscher artifizial sin la Diavolezza vegnì producì. Uss è cler: Grazia ad ina vetta da naiv ha el survivì la stad.

A sanestra il glatscher Morteratsch dal 2001 - a dretga dal 2013. Ins vesa ch'el è luà per in grond toc.
Legenda: Quest svilup vul il glaziolog Felix Keller tegnair si cun ses experiments. MAD, Christine Levy

La teoria dal glaziolog Felix Keller è sa verifitgà cun l'experiment. Cun zugliar il glatscher durant la stad en naiv pon ins evitar ch'el cumenza a luar.

L'experiment vala sco basa per il project gigantic da vulair salvar il glatscher Morteratsch. Sch'ins zugliass damai in dals 15 kilometers quadrat dal glatscher en ina vetta da naiv da quatter meters cumenzass il glatscher tenor il glaziolog fin l'onn 2025 puspè a crescher.

Nov sistem d'ennavar per retegnair il svilup negativ

Ina conclusiun da l'experiment è ch'ins dovra in nov sistem d'ennavar per salvar il glatscher Morteratsch, numnadamain ina sort da pendiculara ch'è capabla da far naiv. Vi da questa invenziun duai ussa vegnir lavurà, ha Felix Keller ditg envers RTR.

RR novitads 17:00