Siglir tar il cuntegn
cuntegn

Engiadina Diamond Club a San Murezzan vegn rumì

Il fittadin sto or, anc oz. Al mument vegn rumì or tut dal club, lounge, bar e pizzeria. Ina conferma uffiziala dal possessur da la chasa, Gregor Joos, na datti betg. El na vul betg s'exprimer èn las medias.

diamond vegn rumì
Legenda: Il possessur da l'immobiglia lascha rumir il club RTR,V.Rominger

Ils fittadins dentant conferman sin la plattafurma sociala facebook, che suenter 11 onns è afin cun party èn la discoteca.

Els hajan cumbattì fin la fin per la purschida culturala a San Murezzan, ma dapi questa gievgia saja il Diamond Club istorgia.

Plans co duvrar en futur l’immobiglia èn schon concrets

Nov duessi dar in pitschen restaurant a l’italianità. Il rest da la surfatscha duai vegnir fittà. En tut vegnan quai ad esser 600 meters quadrat, che vessan dad esser pronts per fittar schon a partir dal 1. fanadur. Quai tenor in inserat sin la plattafurma homegate.ch