Siglir tar il cuntegn
Inhalt

Engiadina Di da la biodiversitad a Scuol

Organisaziuns sco il WWF Grischun, la Pro Terra Engiadina, il Parc naziunal svizzer u il center da sanadad Engiadina Bassa han plantà 10 pumers a Scuol sper l'ospital. Quai per signalisar l'impurtanza da la biodiversitad per ina cuntrada sco l'Engiadina Bassa.

Legende: Video Di da la biodiversitad a Scuol abspielen. Laufzeit 00:40 Minuten.
Or da RTR dals 25.04.2015.

Il WWF Grischun fa festa per ses 40avel giubileum. Perquai regala il WWF a la populaziun 40 pumers ed implanta quels en tut il chantun. Sonda è stada la prima acziun a Scuol sper l'ospital. Collavurà han tranter auter il Parc naziunal svizzer, la vischnanca da Scuol, il Center da sanadad Engiadina Bassa e la fundaziun Pro terra Engiadina.

La finamira da l'acziun è stada da mussar l'impurtanza da la biodiversitad en ina regiun sco l'Engiadina Bassa. Tenor il WWF Grischun datti adina main pumers en Svizra. Perquai fissi puspè da plantar pumers, er en regiuns sco l'Engiadina Bassa nua che quai funciuna anc pervi da l'autezza sur mar.