La destinaziun da turissem Engiadina Scuol Samignun Val Müstair n'ha betg chattà ina successiun per la directura partenta Martina Hollenstein Stadler sin l'entschatta settember, uschia scriva il cussegl administrativ. Per garantir il manaschi resta Hollenstein Stadler cun in pitschen pensum enfin la fin da l'onn. Las bleras incumbensas surprenda però ina co-direcziun ad interim cun Bernhard Aeschbacher e Claudio Daguati. Omadus lavuran gia var 10 onns tar la destinaziun, quai sco vice-directur e manader da marketing. La cumissiun da recrutaziun dal cussegl administrativ saja vinavant a la tschertga d'ina soluziun.
Il favrer veva la directura actuala Martina Hollenstein Sadler annunzià ch'ella bandunia la regiun cun la fin d'avust. Quai per s'orientar da nov suenter tschintg onns.