Siglir tar il cuntegn
cuntegn

Engiadina Destinaziun turistica Engiadina San Murezzan – rendaquint approvà

L’onn da gestiun 2016 serra cun in minus da 0,1% tar las pernottaziuns en l’hotellaria. In resultat pli allegraivel ha la regiun turistica d’Engiadin’Ota cuntanschì durant la stad 2016 cun in plus da 3,5% en congual cun l’onn avant.

Purtret da San Murezzan.
Legenda: Il parlament approva rendaquint da la destinaziun turistica Engiadina San Murezzan. MAD

In augment registrescha la regiun turistica Engiadina San Murezzan durant la stad 2016 surtut tar giasts da la Germania (+5,3%) ed er tar ils giasts svizzers (+8,9%). Allegraivel saja surtut il plus tar las pernottaziuns da giasts da la China e surtut ils stadis da golf (+70,8%) ha declerà la directura partenta, Ariane Ehrat a la radunanza dal cussegl regiunal d’Engiadin’Ota.

Pront per l’avegnir

Auter che budgetà serra il rendaquint 2016 cun radund 45’000 francs damain expensas. Quella reserva saja ideala per eventualitads a curta vista, ha suttastritgà il CEO durant la sesida.

Ospital Samedan sin buna via

Il parlament d’Engiadin’Ota ha ultra da quai er approvà il rendaquint 2016 da l’ospital regiunal a Samedan. Grazia a la buna gestiun èn las contribuziuns da las vischnancas sa diminuidas per 1,4 milliuns francs.