Siglir tar il cuntegn

Header

audio
Co funcziuna l'infurmaziun turistica virtuala?
Or da Actualitad dals 21.09.2021.
laschar ir. Durada: 03:17 minutas.
cuntegn

Destinaziun Engiadin'Ota Cussegliaziun a moda virtuala

Giasts ed indigens da l’Engiadin’Ota han la pussaivladad da sa laschar cussegliar a moda speziala. Numnadamain vegn testà dapi bunamain in mais ina infurmaziun turistica virtuala en trais differents lieus.  

Plivalur per la regiun

Ils giasts pon entrar en ina boxa nua che in visur cun ina camera sa chatta. Quel vegn collià cun ina cussegliadra u in cussegliader da la destinaziun en furma d’ina conferenza da video. Il giast survegn uschia tut las infurmaziuns giavischadas. Tenor Jan Steiner, il brandmanager da la destinaziun turistica d’Engiadin’Ota è l’infurmaziun turistica virtuala ina plivalur per la regiun. Ella na duai betg remplazzar en emprima lingia ils biros d’infurmaziun mabain possia prolungar ils uraris d’avertura ed er porscher ina cussegliaziun directa en lieus nua ch’i na dat actualmain nagin fanestrigl. Ina bilantscha intermediara dal project demussa ch’i vul anc pitschnas adattaziuns, ch’il project pudess però far scola – na betg be en Engiadin’Ota, uschia Jan Steiner.

RTR actualitad 17:00

Artitgels legids il pli savens

Scrollar a sanestra Scrollar a dretga