Siglir tar il cuntegn

Header

video
Denunzia penala cunter anteriur manader uffizi da scussiun
Or da Actualitad dals 29.06.2016.
laschar ir. Durada: 2 minutas 24 Secundas.
cuntegn

Engiadina Denunzia penala cunter anteriur manader da l'uffizi da scussiun

Il circul d’Engiadin’Ota e la vischnanca da la Bregaglia inoltrà in plant penal pervi da defraudaziun. La procura publica dal chantun Grischun ha entant instradà ensemen cun la polizia l’examinaziun dal cas.

audio
Saira: Denunzia penala cunter anteriur manader uffizi da scussiun
ord Actualitad dals 29.06.2016.
laschar ir. Durada: 1 minuta 48 Secundas.

In anteriur manader da l’uffizi da scussiun e concurs da l’Engiadin’Ota / Bregaglia duai avair laschà svanir raps.

Il delict saja mo vegnì scuvrì casualmain, pervi da duas dumondas independentas areguard singuls pajaments, ha declerà il landamma d’Engiadin’Ota, Gian Duri Ratti.

I vala la presumziun d'innocenza

Davart la dimensiun dal delict e davart la supposiziun che l’uffiziant pudess avair laschà svanir raps en ulteriurs cas durant ses temp d’uffizi da bun 25 onns, na vul la procura publica betg s’exprimer, ha ditg il pledader Claudio Riedi. Per il pertutgà vala la presumziun d’innocenza.

Consequenzas er en Engiadina Bassa

Il cas da denunzia encunter l’anteriur uffiziant da l’Engiadin’Ota tira ses fils er fin en Engiadina Bassa. Dapi l’entschatta da quest onn aveva quel lavurà tar l’uffizi da scussiun e falliment «Regiun Engiadina Bassa/Val Müstair».

audio
Saira: Fils en l'Engiadina Bassa
ord Actualitad dals 29.06.2016.
laschar ir. Durada: 2 minutas 26 Secundas.

Gievgia passada ha la regiun schlià il mandat cun l’uffiziant, quai ha confermà il president da la Regiun, Victor Peer. Actualmain examineschan ins perquai era l’uffizi da scussiun da l’Engiadina Bassa.

RR novitads 17:00

Artitgels legids il pli savens