Sper las tractandas davart novs contracts da cunvegna per il register funsil e l’uniun per dismetter rument han ils 33 preschents gì da decider davart in credit da 430’000 francs. Quai per realisar ils attatgs dad aua, chanalisaziun ed uschè vinavant per ina parcella en la zona industriala.
Nova halla multifara
Per in import da 550’000 francs po la vischnanca realisar ina halla sin il terren sur la plazza dal Concours Hippique Zuoz. Durant 9 mais l’onn stattan las radund 20 partiziuns en la nova halla a disposiziun als purs per plazzar lur vehichels agriculs. Durant ils mais da stad, duai la nova halla vegnir duvrada per eveniments, festas e per l’occurrenza da sigl Concours Hippique.
Nova lingia d’aua e stgaudament a distanza
Suenter che la scola media, il Lyceum Alpinum Zuoz, ha decis da stgaudar cun energia da zinslas, remplazza er la vischnanca ses stgaudament en la zona industriala cun energia che vegn furnida d’ina interpresa da S-chanf. Ultra da quai vegn il medem mument tratg ina nova lingia d’aua en la zona industriala, quai per garantir aua er en cas d’urgenza.
Ils custs per trair las novas lingias sa muntan a 670’000 francs. Sco quai ch’il president communal da Zuoz, Flurin Wieser, ha ditg a la radunanza duain tut ils trais projects vegnir realisads uschè svelt sco pussaivel.
RR actualitad mezdi 12:00