Siglir tar il cuntegn
Inhalt

Engiadina Datiers da Scuol mora in’alpinista

L'alpinista che valeva dapi gievgia sco sparida en il conturn da Scuol è morta.

Charta da la Val S-charl cun il Piz Madlain.
Legenda: Il Piz Madlain sa chatta en la Val S-charl sin il territori da Scuol. Google Maps

Sco la Polizia chantunala communitgescha, hajan ins chattà la dunna il venderdi bun’ura en in couloir da quai da 100 meters sut il Piz Madlain sin territori da la vischnanca da Scuol. Il medi da la Rega ha mo pudì constatar sia mort. Probabel è ella sa disgraziada cun ascender dal piz.

La dunna da 40 onns aveva fatg la gievgia tut suletta ina tura sin il Piz Madlain. Cura ch'ella n'era betg cumparida la saira ad in termin fixà, han ins instradà ina tschertgà pli vasta.

RR Novitads 16:00