Siglir tar il cuntegn

Header

Navigaziun

Vatgas da la razza Angus.
Legenda: Las vatgas dad Angus derivan da la Scozia. RTR, A. Caprez
cuntegn

Engiadina Dal catalog fin tar il vadè

Las vatgas «Angus» valan sco vatgas resistentas che han ina qualitad da charn excellenta. L’allevament da questa razza è dentant ina scienza per sasezza.

RTR ha accumpagnà il pur da Samedan, Gian Peter Niggli, durant in onn ed ha uschia vis ils pass necessaris.

Cumenzà cun la tscherna dal sem en la stiva chauda dal pur a Samedan, sur l’empustaziun dal sem che custa radund 100 francs, fin tar l’inseminaziun artifiziala tras il veterinari Bruno Salis.

Plinavant avain nus visità la vatga durant il temp da gravidanza ad alp, sin las costas da Muottas Muragl sur Samedan, accumpagnà l’animal fin e cun la naschientscha en la stalla sin il bain puril a Samedan. Pia: dal catalog fin il vadè.