Siglir tar il cuntegn
Inhalt

Engiadina Da return en Grischun: La Biera Grischuna vegn fatga a Martina

La bieraria da Tschlin a Martina surpiglia a partir da questa stad la producziun da la Biera Grischuna. Quella biera vegna fatga dapi dus onns en il Principadi da Liechtenstein. Cun quest pass turna la producziun da la Biera Grischuna puspè en Grischun.

Legende: Video Uschia svelt va embuttigliar en la producziun nova. abspielen. Laufzeit 00:22 Minuten.
Or da RTR dals 07.02.2017.

La bieraria da Tschlin ha investì dacurt radund 380’000 francs en in nov indriz d’embuttigliar. Uschia ha ella pudì augmentar la capacitad da producziun da 600 hectoliters l’onn sin radund 2’000. Cun quellas mesiras esì pussibel da surpigliar la producziun da la «Biera Grischuna». Nov vegn fatga la Biera Grischuna cun ierdi grischun e per part er cun graun Alpin.

Impurtanta incumbensa per la Bieraria Tschlin SA

Il logo da la bieraria Grischuna cun ina buttiglia.
Legenda: La Biera Grischuna vegn fatga da nov da la bieraria da Tschlin. Reto Mayer

Ord il punct da vista economic è la producziun da la Biera Grischuna per la bieraria a Martina da grond'impurtanza. Grazia a quella producziun supplementara po la Bieraria Tschlin SA utilisar meglier l’infrastructura nova ed augmentar uschia er la svieuta.

La bieraria cumbatta gia dapi divers onns cun problems finanzials.