Siglir tar il cuntegn
Inhalt

Engiadina Da la regina da sulegl tar natura pura

La vischnanca da Schlarigna ha preschentà dacurt il nov logo che duai esser la marca vers anora en prospects, inserats e palpiris uffizials. Svanì è il logo cun «la regina da sulegl da San Murezzan». Nov mettan ils Schlarignots pais sin «natura pura»

Logo cun fegls.
Legenda: Schlarigna – nua via? Ina cumissiun ha elavurà in entir concept. RTR, Anna Caprez

En connex cun la preschentaziun dal posiziunament futur da la vischnanca da Schlarigna han ins gist er modernisà il logo existent. Il sulegl è restà part dal maletg en blau e mellen. Per suttastritgar la colliaziun cun sport, sulegl e natira porta il logo da Schlarigna anc «natura pura» sut la scrittira «Celerina».

Betg be talian

Ch’ins haja sa decidì per la versiun «natura pura» or da plirs motivs, ha declerà il president communal da Schlarigna, Christian Brantschen. Dad ina vart na saja quai betg be in act da simpatia e solidaritad envers ils numerus giasts talians a Schlarigna, mabain er in avis sin las numerusas pussibilitads ch’i dat enturn la vischnanca en la natira. Ultra da quai saja «natura pura» er latin e stettia perquai per tut las linguas latinas, uschè Brantschen.

RR Total local 11:40