Siglir tar il cuntegn

Header

cuntegn

Engiadina Cursa dubla cun velo e skis sin la muntogna

Enstagl da sa lamentar da la mancanza da naiv, han ins realisà entaifer paucs dis ina cursa speziala en la regiun da skis da Zuoz. Sco il manader da la scola da skis Zuoz / La Punt Gudench Campell, ha declerà vulan ins porscher in’ulteriura attracziun per tut ils sportists.

L’emprim cun il bike alura cun skis. La cursa cumenza cun in traject sin duas rodas e finescha cun in slalom gigantesc. 1,5 km absolvan ils participants cun il bike davent dal biro da la scola da skis a Zuoz fin tar la staziun da muntogna dal runal «Survih». Suenter han ils sportists da midar stgarpas e dad ir tras in slalom gigantesc da bun 400 meters lunghezza.

Affars da sport dattan bikes per la cursa

Per che tuts possian sa participar a «La Cumbineda» han ins organisà grazia ad affars da sport en tut l’Engiadina bikes che stattan a disposiziun. Cun quai ch’il midament da las stgarpas vegn ad esser ina da las pli gronda sfidas da la cursa, han ils organisaturs limità la vegliadetgna tar ils uffants. A partir da 10 onns pon quels far la cursa dubla che è pli curta co quella dals creschids.

audio
Bunura: Cursa da bike e skis a Zuoz
ord Actualitad dals 30.12.2015.
laschar ir. Durada: 3 minutas 7 Secundas.

L’emprima ediziun da «La Cumbineda» cumenza la mesemna, ils 30 da december 2015, a las 14.00 uras sin il territori da skis da Zuoz.

Artitgels legids il pli savens