Siglir tar il cuntegn

Engiadina Cuntinuaziun allegraivla per la butia Grond Sport

Chattar in successur sco manader d’in affar daventa vi e pli grev en Svizra. Quell’experientscha ha fatg era Janet Grond da Müstair. Uss ha el pudì surdar sia butia ad in successur giuven cun ideas novas.

Legende: Video Chattà in successur abspielen. Laufzeit 3:00 Minuten.
Or da Actualitad video dals 22.04.2016.

Il nov manader è Andrea Conrad, ha 29 onns, è da la Val Müstair ed ha fat ina scolaziun d’economia. Sco lavur da diplom ha el era observà la problematica da surdadas d’affars. El sco era in studi fat dal servetsch d’infurmaziun Bisnode vegnan a la conclusiun che surdadas d’affars daventan vi e pli grevas.

Radund 1/3 dals affars en Svizra na chattan betg in successur. Malgrà las cifras alarmantas ha Andrea Conrad decidì da surprender la butia da sport. El spera d’avair success cun in nov concept da butia che na è anc betg enconuschent en la Val Müstair. La butia che sa numna AVENTÜRA less cumbinar la butia cun aventuras en la natira.