Cun 200 tonnas tras l'Engiadina

In transport special d'in transformatur per las Ouvras Electricas d'Engiadina.

Laschar ir video «Transport special per las Ouvras Electricas d'Engiadina»

Transport special per las Ouvras Electricas d'Engiadina

1:59 min, Actualitad video dals 8.9.2015

Il camiun cun il transformatur dad 86 tonnas en la centrala da las OEE a Pradella.

Legenda da maletgs: Trasnport special per las Ouvras Electricas d'Engiadina. Il camiun en la centrala da las OEE a Pradella pront per stgargiar il transformatur. RTR/D. Spinnler

In transport da 200 tonnas è arrivà oz en Engiadina Bassa. In camiun ha transportà in transformatur da prest 90 tonnas en Svizra per las Ouvras Electricas d'Engiadina OEE. Il camiun ensemen cun il transformatur pasava radund 200 tonnas. Uschia ha il camiun pudì viagiar mo cun 20 kilometers l'ura e cun in accumpagnament special da la Polizia chantunala.

Il transformatur è necessari per la renovaziun da la centrala da distribuziun da las OEE a Pradella. Las OEE renoveschan la centrala fin l'onn 2018 ensemen cun Swissgrid per radund 25 miliuns francs. Uschia è garanti il provediment d'electricitad en l'Engiadina era en avegnir e la rait da distribuziun naziunala vegn engrondida.