Siglir tar il cuntegn
Inhalt

Engiadina Cun 181 kilometers l'ura tras la Val Müstair

La fin d’emna ha la polizia chantunala fatg controllas e constatà trais rowdys a Zernez e Fuldera. Quels hajan surpassà la limita da tempo per 60 kilometers l’ura e dapli.

Tacho dad in auto che mussa il tempo.
Legenda: In automobilist e dus motociclists ch’eran da viadi memia svelt han ils radars en Val Müstair pudì tiers. Keystone

Sin il pass dal Fuorn ha la polizia chantunala mesirà tar in automobilist tudestg ina sveltezza da 142 kilometers l'ura. Lubids fissan stads 80 km/h. El vegn denunzià sco rowdy. Plinavant è in töffist talian charrà sin il sviament da Fuldera cun 149 kilometers l'ura, in auter cun 181 km/h. Er qua vala ina spertadad maximala dad 80 kilometers l'ura. Il töff da l'um ch'è charrà cun 181 è vegnì mess en segirtad.

RR actualitad 15:00