Siglir tar il cuntegn
Inhalt

Engiadina Cumpra dal Chastè da Tarasp è sin buna via

La fundaziun Chastè da Tarasp di ch'ins saja en la fasa finala da las tractativas per cumprar il chastè da Tarasp

Legende: Video Cumpra dal chastè da Tarasp abspielen. Laufzeit 01:53 Minuten.
Or da Actualitad video dals 28.04.2015.

Avant in onn ha la fundaziun Pro chastè da Tarasp fatg ina cunvegna cun ils possessurs dal chastè, la famiglia von Hessen. Punct central da la cunvegna: il chastè custa anc 8 milliuns francs empè da 15,5 milliuns francs. La cumpra sto dentant esser realisada enfin il prim matg 2015.

Cumpra fin 1 matg betg realistica

Il president da la fundaziun Pro chastè da Tarasp, Andrea Fanzun, ha dentant confermà envers Radiotelevisiun Svizra Rumantscha RTR che la cumpra na saja betg realisada enfin il prim da matg. Ins saja dentant en la fasa finala da las tractativas.

Participads èn tenor Fanzun era la vischnanca da Scuol, la Pro Engiadina Bassa e persunas privatas. La famiglia von Hessen avss gugent realisà la cumpra fin il prim da matg, ha ditg Andrea Fanzun. La famiglia von Hessen haja dentant era chapientscha ch'i dovria uss anc dapli temp.

En pli ha confermà Andrea Fanzun envers RTR che l'artist engiadinais Not Vital haja interess da sa participar a la cumpra. El speria ch'i saja realistic che Not Vital saja participà en ina furma.