Siglir tar il cuntegn
cuntegn

Engiadina Cumissiun da gestiun sto vegnir activa en cas schanza da siglir

Quai ha il cussegl communal da San Murezzan decidì a la seduta da la gievgia saira.

visualisaziun da la nova schanza planisada
Legenda: Visualisaziun da la nova schanza planisada mad

Avant 3 emnas è vegnì enconuschent, ch'il project per ina nova schanza da siglir vegn 6 enfin 9 milliuns francs pli char che spetgà.

Il suveran aveva concedì dal 2013 in credit da 11,5 milliuns francs per il project. Uss è il project sistì, enfin ch’ins sa quant ch'il project actual vegniss propi a custar.

Spustà tractanda

La glista da tractandas preveseva ch'ils commembers dal cussegl communal survegnian infurmaziuns davart il pli nov stan da savida puncto schanza. Sin basa d'ina moziun dal PPS han ils commembers dentant decidì da spustar l'infurmaziun sin la proxima seduta.

La raschun era che la persuna che avess pudì dar scleriment detagliadamain, il represchentant dal patrun da construcziun, n'era betg preschent. Sco quai ch'i aveva num, pervi d'in problem da communicaziun tge che pertutga il termin da seduta.

RR Novitads 06:00