Nora Saratz Cazin e Gian-Franco Gotsch han annunzià lur candidatura en chanzlia communala, quai scriva la vischnanca da Puntraschigna.
Saratz Cazin ha 39 onns, è advocata e presidiescha actualmain la cumissiun da gestiun da Puntraschigna. Per la fin da quest onn ha ella demissiunà.
L’anteriur impressari Gian-Franco Gotsch ha 61 onns e lavura actualmain tar la Engadin Golf SA . Gotsch è dapi 12 onns cusseglier communal ed ha demissiunà ses uffizi per la fin da quest onn.
Grond midament
Il suveran da Puntraschigna elegia a la radunanza communala dals 27 da november 2020 las autoritads communalas per ils proxims 4 onns. Il president communal partent, Martin Aebli, è stà 16 onns a la testa da la vischnanca da Puntraschigna. En tut èn d'occupar otg sezs vacants.
Per tadlar curt e concis:
