Siglir tar il cuntegn
Inhalt

Engiadina CSI San Murezzan - in'egliada davos las culissas

Radund 240 chavals èn en la tenda che ha la funcziun da stalla. Ina stalla da 4000 meters quadrat, mintga boxa 3 sin 3 meters gronda. Il pli impurtant è qua la segirtad - la tenda vegn pertgirada ura per ura da securitas.

Ils chavals che siglian al CSI da 2 e 4 stailas a San Murezzan han ina valuta d'in mez milliun ensi, suppona Ruet Ratti. En stalla arriva mo quel che ha il permiss, quai surtut per evitar cas da doping. Igl è perquai era uschia ch'ils chavals pon suenter la controlla da doping mo pli bandunar la stalla per ir ad ina prova.

«Sco tar ils cowboys»

120 ballas fain e 180 ballas strom han Ruet Ratti e ses 4 collegas procurà. Quai era davent en dus. I vegn ramassà quinta Ratti. Uschiglio saja l'atmosfera en stalla fitg quieta. Surtut ils chavals èn tut pacifics. Cun ils chavaltgaders percunter n'han ins sco responsabel per la stalla betg bler da far, di Ruet Ratti.