Siglir tar il cuntegn

Header

Navigaziun

CSI a San Murezzan
Legenda: Il CSI a San Murezzan la stad passada era in success, uss pudess seguir il debachel S.Engel
cuntegn

Engiadina CSI da San Murezzan na sa tegna betg vid las cunvegnas

Las cunvegnas cun la vischnanca eran premissa per survegnir il permiss per l’occurrenza la stad passada. Enfin uss spetgan divers furniturs dentant sin raps. Era la vischnanca: per la sanaziun dal prà da Polo nua che il CSI ha gì lieu. Radund 50'000 francs n'èn anc betg pajads per quella sanaziun.

Suenter il success pudess seguir in debachel

Quant auta che la summa averta è anc è sulettamain cler per la sanaziun dal prà da Polo – quai èn radund 50’000 francs.

La vischnanca ha uss dà in ultimatum als organisaturs. Enfin la fin da quest mais ston ils quints esser pajads. Sche quai n'è betg il cas, na datti quest onn nagin CSI a San Murezzan. La vischnanca na dettia lura betg pli il permiss, ha ditg Sigi Asprion.

Schanza pudess vinavant procurar per discussiuns

Plinavant ha il cussegl communal da San Murezzan survegnì in’emprima infurmaziun davart la missiva per il credit supplementar dad 8,3 milliuns francs per la schanza da siglir. Il cussegl duai decider en la sesida da mars davart la missiva.

3 variantas pussaivlas per la schanza da siglir

Il cussegl communal ha 3 pussaivladads: laschar votar la populaziun davart il credit supplementar, ni ch'il cussegl deliberescha betg la missiva uschia ch'il project fiss mort. Ni ch’el deliberescha la missiva cun la proposta a la populaziun da refusar il credit. La votaziun duai esser il zercladur.

RR novitads 06:00