Siglir tar il cuntegn

Header

Navigaziun

cuntegn

Engiadina Critica per cumposiziun dal cussegl administrativ

La fracziun da la PLD San Murezzan n'è betg cuntenta cun la proposta per la cumposiziun dal cussegl administrativ da la nov'organisaziun da turissem da la regiun Malögia. En in mail a la conferenza dals presidents s'exprima ella critic envers la proposta da las persunas proponidas per ils mandats.

regiun malögia
Legenda: Logo regiun Malögia regio-maloja.ch

Tenor in artitgel en la Südostschweiz pretenda la fracziun da la PLD San Murezzan dapi qualificaziuns. Il president da la fracziun Leandro Testa vegn cità en quel senn ch'ils candidats hajan bain bunas qualificaziuns, dentant per schliar autras incumbensas. Envers RTR n'ha Leandro Testa betg vulì prender posiziun.

Tenor la conferenza dals presidents n'è la critica betg giustifitgada. Ils candidats èn vegnids proponids tenor statuts da la nov'organisaziun turistica, l'Engadin St.Moritz Tourismus AG.

Ils 7 candidats proponids èn

  • Thomas Walther per la hotellaria
  • Silvia Degiacomi per la hotellaria
  • Ramun Ratti per las vischnancas
  • Claudio Dietrich per las vischnancas
  • Andri Laager per la societad commerzi e mastergn
  • Bettina Plattner per la parahotellaria
  • Marcus Gschwend per las regiuns da skis

Il cussegl vegn proponì uschè sco quai ch'el è il mument

Per ils presidents communals da las 12 vischnancas che fan part da la regiun Malögia è uss sco emprim impurtant che tut las vischnancas fan part da l'organisaziun. Anc ston 5 vischnancas votar. Sco ultim decida La Punt Chamues-ch ils 24 da zercladur.

Silsuenter stuessan ils candidats vegnir confermads entras ina tscherna a l'emprima radunanza generala da la societad d'aczias.