Critica e sceptica envers center d'asil en Val Müstair

La sairada d'infurmaziun en Val Müstair ha mussà ch'i regnan bleras temas e malsegirezzas.

Laschar ir video «»

0:00 min, dals 21.1.2018

La populaziun da la Val Müstair ha grondas temas ed è sceptica envers il center per requirents d'asil en la chasa Muntanella a Valchava. La glieud ha deponà temas sco la segirtad dals uffants che van a scolina e la segirtad da las dunnas u il fatg che mo ina persuna s'occupa dals requirents d'asil.

Il responsabel dal chantun Georg Carl ha declerà la situaziun dal chantun che ha già stuì plazzar radund 1000 fugitivs durant l'onn 2015 en tut il chantun. Tut ils centers existents sajan plains. Perquai saja il chantun avisà sin dimoras sco quella a Valchava.

Il president communal Arno Lamprecht ha appellà che la Val Müstair duaja ussa far il meglier da la situaziun e beneventar da maniera positiva ils fugitivs. Enfin ussa èn 14 umens da l'Eritrea arrivads a Valchava. Durant il proxim temp vegnan ad arrivar anc plirs requirents d'asil. La chasa Muntanella a Valchava ha plazza per 50 persunas.