Siglir tar il cuntegn
cuntegn

Engiadina Corina Casanova – ina vita per la politica

Dapi in onn è Corina Casanova en pensiun. 25 onns ha ella lavurà en las localitads da la Chasa federala a Berna. Natiralmain s’interessa ella anc per la politica, dentant be anc marginal.

25 onns politica e da quels 8 onns sco chanceliera federala, per blers la 8avla cussegliera federala. Corina Casanova viva dapi la pensiun a Tarasp en la chasa paterna. Dapi lura metta ella il focus sin viadis, linguas, sport e finalmain l’amicizia cun parents e amis.

Lavurar 150% e dad in di a l’auter far in stritg na saja betg stà simpel. Cun l'agid da la famiglia e dals amis saja quai però reussì bain. Far activamain politica en la pensiun n'è betg in tema per Corina Casanova.

Café rumantsch

Al café rumantsch sa radunan mintga gievgia en il restaurant Taverna giasts e indigens per discurrer rumantsch. A l'ultim «café rumantsch» ha Corina Casanova raquintà als preschents sur dal temp cura ch’ella era chanceliera a Berna ed ha dà in sguard davos las culissas dal manaschia da l'administraziun federala.

RR actualitad 12:00