Siglir tar il cuntegn

Engiadina Cooperativa Laudinella prenda a fit hotel Reine Victoria

La societad cooperativa Laudinella prenda a fit per ils proxims 5 onns l’hotel Reine Victoria. Quai tenor ina communicaziun da la cooperativa. L’hotel Reine Victoria è mo paucs meters davent da l’hotel Laudinella e duess porscher dapli plazza a partir da quest october.

Hotel Victoria a San Murezzan
Legenda: L'hotel Reine Victoria vegn manà a partir d'atun per 5 onns da la cooperativa Laudinella mad

Ina mesira che è surtut necessaria durant che l’hotel Laudinella vegn sanà cumplettamain dal 2017-2019. Ella dovra la plazza per ses giast. Serrar l’hotel durant quest temp n'è betg l’idea.

Cun il fit po il manaschi d’hotel ir enavant senza incaps. Enfin che betg tut ils indrizs da l’hotel Reine Victoria vegnan duvrads, vegn l’hotel manà sco Garni da la cooperativa Laudinella. A partir da l'october ha ella uschia a dispoziun 350 letgs.

RR novitads 18:00