Siglir tar il cuntegn

Header

cuntegn

Concours hippique In dals sulets ch'ha lieu quest onn

Radund 1200 partenzas da 235 chavaltgadras e chavaltgaders po il concours hippique a San Murezzan nudar l'onn 2020. Avant in onn eran quai anc 600 partenzas.

L'augment n'ha dentant betg da far cun il giubileum da 25 onns ch'il concours festivescha quest onn mabain cun las desditgas da blers auters concours, tranter auter quel da Zuoz.

Chavaltgaders che fissan partids a Zuoz èn uss vegnids a San Murezzan, simplamain per insumma pudair partir ad in concours.
Autur: Ladina Meyer Presidenta comitè d'organisaziun

Quai malgrà ch'il concours a San Murezzan n'ha nagina plazza da sablun. In motiv per blers chavaltgaders da betg pli partir sin il prà da San Murezzan.

Senza concept da segirezza na va nagut

Per vegnir sin la plazza ston ins sa registrar ed ins survegn in bindel enturn il maun. Las maisas davant la tenda èn partidas en en secturs ed en las stallas valan las reglas da l'uniun da chavaltgaders. Tuttina è Ladina Meyer cuntenta ch'ins ha realisà il concours, malgrà il ristg.

audio
25 onns concours hippique San Murezzan
ord Actualitad dals 02.08.2020. Maletg: RTR, Riccarda Müller
laschar ir. Durada: 3 minutas 10 Secundas.

RTR actualitad 17:00

Artitgels legids il pli savens