Siglir tar il cuntegn
Inhalt

Engiadina Collisiun cun blessads sin il Pass dal Fuorn

Dumengia saira hai dà ina collisiun cun 3 persunas blessadas sin la via dal Pass dal Fuorn.

ils duas autos collidats
Legenda: Accident sin il Pass dal Fuorn Ils dus autos suenter la collisiun sin la via dal Pass dal Fuorn. Pocha

Dumengia saira hai dà ina collisiun tranter dus autos sin la via dal Pass dal Fuorn a Laschadura da la vart da Zernez. In automobilist che charrava vers Zernez e glischnà sin la via da naiv. Ses auto è perquai arrivà sin la cuntravart nua ch'igl ha dà ina collisiun frontala cun in auto che vegniva encunter. Tut las 3 persunas en ils 2 autos èn vegnidas blessadas levamain. La via sur il Pass dal Fuorn è stada serrada durant in'ura.

Curt avant avevi già dà in autoaccident quasi al medem lieu. In autmobilist è glischnà cun ses auto sin l'auter vial e collidà cun la saiv directiva e suenter cun il mir dad ina gallaria. L'automobilist è vegnì blessà levamain.