Siglir tar il cuntegn

Engiadina Colliaziun cun l'internet pli svelta cun lingia pli lunga

Radund 100 persunas piglian part al «Mountain Hub» a l'institut Otalpin Ftan a partir da mez schaner. Colliar Ftan cun il rest dal mund cun fibra da vaider per promover la perscrutaziun per academichers, persunas spezialisadas e caders.

Legenda: Guardar il video «Fibra optica per l'Institut Otalpin». Durada 3:04 minutas.
Or da Actualitad video dals 17.12.2015.

La finamira dal lavuratori «Mountain Hub» a l'Institut Otalpin a Ftan è da possibilitar ad academichers, persunas spezialisadas ed a caders da lavurar en ina vischnanca da muntogna pitschna. Per quai ston els esser colliads cun il rest dal mund cun in internet svelt. Ma las chasadas en l'Engiadina Bassa - e quatras era l’institut a Ftan - n'èn anc betg colliads cun la rait da fibra da vaider.

Pli bunmartgà e pli spert - grazia a las pendicularas

Ussa ha l’Energia Engiadina a Scuol chattà in soluziun per segirar l’emprim «Mountain Hub» a Ftan. Uschia vegn collià l’institut en maniera na dal tut convenziunala cun il rest dal mund.

Colliaziun cun Ftan cun la lingia fibra da vaider sur il territori da skis Motta Naluns
Legenda: Motta Naluns Scuol Cun il sviament sur il territori da skis Motta Naluns vegn la colliaziun cun l'internet pli sperta. RTR, A. Schlegel

Enstagl dad ina lingia directa da la staziun da Scuol a Ftan, fan ins in sviament entras la regiun da skis Motta Naluns.La via e pli lunga e tuttina è questa soluziun pli simpla, pli favuraivla e realisabla en in curt temp. Las pendicularas Motta Naluns disponan da lingias da vaider internas per lur manaschi.

RR Actualitad la saira 17:00