Siglir tar il cuntegn
Inhalt

Engiadina Collavuraziun tranter ospital e clinica ha cumenzà bain

Sco quai che las interpresas han communitgà ad in’infurmaziun sajan ellas ordvart cuntentas. Nov porschan medis spezialisads da la clinica gut era uras da consultaziun ed operaziuns a l’ospital regiunal. Il provediment dals pazients vegn meglierà e tuttas 2 varts profitan en differentas manieras.

Adrian Urfer e Heinz Schneider
Legenda: Adrian Urfer CEO da la Clinica Gut e Heinz Schneider CEO l'opital regiunal a Samedan RTR, vr

Pazients sa po laschar tractar en l’ospital a Samedan ni la clinica a San Murezzan, independentamain da l’assicuranza.

Da l’autra vart na ston pazients che avessan suenter in’operaziun eventualmain da basegn d’ina staziun intensiva betg pli vegnir transportads da San Murezzan a Samedan. La Clinica Gut na posseda numnadamain nagina staziun intensiva.

Pass strategic per l'avegnir

Era finanzialmain fetschian las sinergias segn ha ditg il CEO da l’ospital Heinz Schneider a chaschun da la conferenza da medias. Anc san els betg dir quant che l’ospital vegn a spargnar, ma quai vegnan ad esser plirs tschient millis da francs. Quai surtut perquai ch'ins spargna persunal e perquai ch'ins po far las cumpras ensemen. Ina summa existenziala uschè Schneider.

En avegnir ston ins tenor Schneider ed Urfer adina dapi tschertgar sinergias per exister vinavant.

La clinica Gut da l’autra vart profita da dapi cas e po uschè era meglierar la qualitad ha ditg il CEO Adrian Urfer. Samedan possedia in’infrastructura perfetga cuntrari a la situaziun actuala da la clinica gut che ha memia pauca plazza. E sch'els vegnan a bajegiar la nova clinica a San Murezzan possian els forsa investir pli pauc cun quai che Samedan possedia l'infrastructura.

Reacziuns positivas dals medis

Dr. Jürg Pfister era l'emprim medi da la Clinica Gut che ha operà en l'ospital. Ed el

ha fatg fitg bunas experientschas. El saja vegnì beneventà e sustegnì fitg bain. In fatg che ha schon era far star stut el en il segn positiv.