Sco quai che las duas instituziuns han communitgà, porscha la Clinica Gut a San Murezzan sias cumpetenzas da clav, da nov er en l’ospital regiunal a Samedan. Cun questa nova allianza scada la cooperaziun tranter l’ospital d’Engiadin’Ota ed l’Ospital da l’universitad Basilea.
La finamira da la collavuraziun è da porscher ina tgira d’auta qualitad per giasts ed indigens da l’Engiadina e da las valladas dal sid. Uschia possian ins er rinforzar l’impurtanza economica da las instituziuns en la val, scrivan las duas interpraisas.
Er la staziun d’urgenza profita
La cumissiun sa l’ospital e da la chasa da tgira Promulins sco er il cussegl administrativ da la Clinica Gut han suttascrit ina decleranza d’intenziun. Tenor quella han ils medis da la Clinica er dretg dad operar a l’ospital da Samedan.
A profitar da questa nova collavuraziun vegnia er la staziun d’urgenza inclusiv la traumatologia a l’ospital da Samedan.