Sco quai ch'i ha num en ina communicaziun a las medias hajan differents purtaders da prestaziun discutà cun commembers dal comité d’organisaziun davart las dumondas co nizzegiar il meglier pussaivel l’occurrenza da sport per puspè posiziunar San Murezzan sco lieu da sport e skis.
Igl è vegnì cler che turissem e mastergn da San Murezzan vesan il CM sco gronda schanza, l’infurmaziun davart il comité d’organisaziun saja però memia pauc transparenta. Il resultat è ch'il plaschair anticipà per il campiunadi mundial è limità.
Betg cler tge ch'ins dastga porscher
Sin la dumonda tge che gestiunaris locals dastgan porscher als fans sut tge circumstanzas n'han ils organisaturs betg pudì respunder.
Cler è dentant ch'il cussegl communal lubescha mo projects ch'era il comité d'organisaziun dal campiunadi mundial lubescha. Purschidas gastronomicas ch'existan sulet durant il campiunadi mundial ston dar giu 20% dal gudogn. En general saja anc enconuschent bler memia: il program da quest cun ils eveniments a l'ur e las pussaivladads per interpraisas indigenas da porscher insatge.
Bilantscha final cuppa mundiala e sguard enavant campiunadis mundials
En discurs cun Claudia Jann, pledadra e commembra dal comité d'organisaziun a chaschun dal final da la cuppa mundiala a San Murezzan ils 18-03-2016 en il Telesguard.