Siglir tar il cuntegn

Header

video
Clinica Gut va a Samedan – San Murezzan deplorescha
Or da sil punct dals 03.07.2020.
laschar ir. Durada: 1 minuta.
cuntegn

Clinica Gut va a Samedan San Murezzan deplorescha – Samedan sa legra

En in emprim statement scriva il president communal da San Murezzan Christian Jott Jenny ad RTR ch'el deploreschia la decisiun da la Clinica Gut da bandunar San Murezzan. Ch'el haja dentant er encletga per la decisiun, cun quai ch'il contract da fittanza al lieu actual scadia l'onn 2023.

San Murezzan haja empruvà da porscher ina soluziun per l'avegnir da la clinica, saja quai sin l'areal Serletta Sid u tar il Heilbad a San Murezzan Bagn. Pervia da recurs na saja quai displaschaivlamain betg gartegià.

Che la clinica restia en Engiadin'Ota saja tuttina ina buna novitad, scriva Jenny. Uschia restian las plazzas da lavur ed il servetsch medicinal en la regiun.

Per Samedan la meglra soluziun

Il president communal da Samedan Jon Fadri Huder di envers RTR ch'el sa legria che la Clinica Gut vegnia en l'Ospital regiunal a Samedan. I saja er ina finamira da Samedan dad attrair talas instituziuns ed uschia daventar in center per servetschs publics da la regiun. Tenor el saja la collavuraziun stretga da las duas instituziuns la meglra soluziun per l'Engiadin'Ota.

audio
Per tadlar – curt e cumpact
ord Actualitad dals 03.07.2020. Maletg: RTR, Violanta Rominger
laschar ir. Durada: 1 minuta 26 Secundas.

RTR actualitad 12:00

Artitgels legids il pli savens